|
Merci à André Dufour pour le texte.
Din l'Nord y'a pas qu'des corons
Din l'Nord y'a pas qu'du carbon
In a aussi du houblon
In a aussi du pichon
Ch'ti qui n èst pas d'ichi
et qui accout' ech'poste
I pourro s'fair' eun' fauss' idée .
In y parl' que d'terrils
in rint' in sort d'ell fosse
Sins vouloir les démépriser
Ni l'métier ni les hommes
in n'da quéquefos plein l'dos
D'boire sin pinard din un bout'lot
Minger l'pain d'alouett'
pourléquer les gaïettes
Et ch'est pour cha qué j'veux canter
Din l'Nord y'a pas qu'des corons
Din l'Nord y'a pas qu'du carbon
In a aussi du houblon
In a aussi du pichon
T'é vas d'in l'avesnois,
té pousses jusqu' à Trélon
Té n'verras pas in bout d'carbon
Té vas d'in l'boulonnais
ed Desvres jusq' à Samer
In n'est pas prêt d'vir in porion
Té vas jusq' à Dunkerque
ou danser à Arneke
I n'ont jamais vu eune gaiette
Alors j'in ai assez
de m'fair' intoxiquer
Ch'est bin pour cha qué j'veux canter
Din l'Nord y'a pas qu'des corons
Din l'Nord y'a pas qu'du carbon
In a in aut'horizon
La mer et les carillons
té vas din l'Cambraisis
té minch' tout près d'Caudry
Cache toudis après les terrils
Si te t'artrouff' tout près
d'Tourcoing ou bin d'Roubaix
N'ont jamais vu un chevalet
Té files jusq'au Gris nez
avec et' tiot' guergnoulle
Ché là qui vivot l'grand Raoul
Té n'verras point d'carbon
mais té péqu'ras des moules
In cantant comme les Capenoules
Din l'Nord autour des corons
Din l'Nord y'a d'l'accordéon
Din l'Nord y'a pas qu'du carbon
In a aussi des canchons
Din l'Nord y'a pas qu'des corons
Mais y'a aussi des canchons |
