| Simon Colliez - Charlotte t'mère alle radotte@KMIDI KARAOKE FILE
Ech dimanch' matin là j'faisos l'grass' matinée
Quand l'téléphon' soudain i s'est mis à sonner
Ch'est vrai qu'si j'avos su j'me s'ros jamais lévé
Des jours comm' cha té sais vaut mieux rester couché
Dins l'gaz j'ai décroché et j'ai été surpris
Ch'étot m'bell' mèr' au bout qui poussot des grands cris
In plein mois d'mai pas d'chanc' i'avot neigé tout' l'nuit
All' s'étot mis dins l'têt' ed vouloir fair' du ski
Einn' demi heur' plus tard all' sonnot à l'maison
Et comm' pour fair' du ski faut einn' combinaison
J'l'ai im'née dins un grand magasin de l'région
Où pendant plus d'einn' heur' in a fait ches rayons
Tout c'qu'all' a essayé ch'étot trop p'tit pour ell'
Pour mett' sin popotin faut plus que XXL
In désespoir ed caus' all' a pris un cal'çon
Un vert fluo bien sûr des fos qu'in l'verrot pas
Charlotte t'mèr' all' radotte
J'te jur' y'a des momints all' est vraimint pas bien
Charlotte t'mèr' all' radotte
J'vos d'ichi el' tableau cha va ête rigolo
Mais rintrés à l'maison i'a fallu l'intraîner
Pour qu'all' aill' à Olhain sans s'ridiculiser
Alors sur deux bouts d'planqu' ch'est mi qui'ai dû l'pousser
Dins l'voyett' de ch'gardin all' s'est mis' à glicher
Arrivée à l'deschint' all' s'est pas vue partir
Et mi bien intindu j'ai rien fait pour l'art'nir
Dins ch'l'hayur' de ch'voisin all' s'est bien incrinquée
Y'a fallu tros quarts d'heur' pour nous l'ardessaquer
Charlotte t'mèr' all' radotte
J'te jur' y'a des momints all' est vraimint pas bien
Charlotte t'mèr' all' radotte
J'vos d'ichi el' tableau cha va ête rigolo
Ed parels émotions cha met in appétit
Et comm' avec tout cha in attrapot midi
J'ai décidé tout l'mond' qu'i fallot coût' que coût'
Avant de s'mett' au sport surtout casser la croût'
Après einn' goutt' ed' jus et un bon pouss' café
Quand in s'est mis in rout' i'étot trois heur's passées
Comm' in avot traîné plus qu'i n'aurot fallu
Arrivés à Olhain l'neig' all' avot fondu
Charlotte t'mèr' all' radotte
J'te jur' y'a des momints all' est vraimint pas bien
Charlotte t'mèr' all' radotte
J'vos d'ichi el' tableau cha va ête rigolo
Charlotte t'mèr' all' radotte
J'te jur' y'a des momints all' est vraimint pas bien
Charlotte t'mèr' all' radotte
J'vos d'ichi el' tableau cha va ête rigolo |
