| Simon Colliez - A min père@KMIDI KARAOKE FILE
Comm' ches galibots de t'génération
A douz' ans t'as dévalé au carbon
T'as pas voulu que j'deschind' in infer
Et pour cha ej dos t'armercier min pèr'
Ed tin temps in n'se posot pas d'questions
Ches jonn's comm' ches vieux i z'allott'nt au fond
Quand t'as eu l'âch' ch'n'étot pas un mystèr'
T'jeuness' all' s'a passée d'sous terr' min pèr'
Armonté au jour té dev'nos machon
Avec tes bras t'as construit nou maison
Dins tin gardin t'allos pour et' distrair'
Je n't'ai jamais vu t'arposer min pèr'
T'as pas gramint connu ches distractions
Einn' partie d'pêqu' ch'étot t'récréation
El foss' all' t'a vit' rapp'lé ed' sous terr'
A caus' d'ell' t'es pus avec mi min pèr'
El traval ch'étot l'sort ed nous taïons
T'as eu drot à ches souffranc's à ches gnons
T'as saqué dur pour que j'n'euch' pas misèr'
J'ai eu de l'chanc' equ' ch'étot ti min pèr'
T'as connu la guerr' et ches restrictions
Ch'est ti qui a gagné l'batall' du carbon
Mais tes poumons sont rimplis plein d'poussièr's
T'as sacrifié l'mitan de t'vie min pèr'
Armonté au jour té dev'nos machon
Avec tes bras t'as construit nou maison
Dins tin gardin t'allos pour et' distrair'
Je n't'ai jamais vu t'arposer min pèr'
T'as pas gramint connu ches distractions
Einn' partie d'pêqu' ch'étot t'récréation
El foss' all' t'a vit' rapp'lé ed' sous terr'
A caus' d'ell' t'es pus avec mi min pèr' |
